「好食」與「健康」，通常都係不能並存－我真係諗咗好耐都諗唔到究竟有啲咩係又健康又好食架喇！咁套落「美觀」同「實用」，又係唔係一樣呢？

以下呢架LOTUS C-01，好明顯就先符合「美觀」嘅標準！睇落係咪仲有啲熟口熟面咁呢？冇錯，因為呢架嘢同電影「Tron(中譯:創戰紀)」入面架戰車一樣，出自Daniel Simon嘅手筆！之於製造商方面，雖然大大隻字寫住「Lotus」，但其實是由德國的「Kodewa and the Holzer Group」所製，然後再冠上「Lotus」之名！限量100部！

之但係靚還靚，呢架嘢又實唔實用呢？200匹的兩氣缸、四衝程引擎，再加上碳纖和鋁合金打造的輕盈車身，確保其飛快嘅直線速度。之但係問題黎啦，呢部c-01嘅擋風鏡設計，基本上同冇係冇分別嘅！即係在高速行駛下，你要靠自己嘅血肉之軀黎抵擋兜口兜面片埋黎嘅風！

第二，一般電單車，就算計上出了名的Harley-Davidson V-Rod，前叉相對於車身的傾斜角度都不會大於32度，但C-01的前叉角度竟然有52度，換句話說，前輪的轉向能力就會大減。

換句話，C-01就即係一個又靚又好身材，但性格差到相處唔黎嘅女仔。如果再考慮它的售價是USD$137,000(約HKD$1,063,000)，佢仲係一個吊高黎賣嘅港女黎添！