【軟篷回歸】全新寶馬Z4 M40i 黃金重量比轟335匹

文：MenClub Dio
POSTED ON 24 Aug 2018


大量流出圖之後，終於寶馬(BMW)官方正式公佈新款Z4開篷跑。如早前流出圖一樣，車頭有更闊的twin kidney鬼面罩，而且有大型入風口，外觀硬朗又有少少瀟灑，再加上軟篷回歸，50:50重量比，贏到開篷跑迷的歡心嗎？下年春季登場！

車頭鬼面罩更闊，而頭燈組亦更修長伸延得更後，配上車頭帶點肌肉感的擾流及頭冚設計，應該為車迷帶來了點點新鮮感。Z4 M40i First Edition將會有Frozen Orange metallic車身顏色，黑色軟篷頂、黑色側鏡以及飾邊，四輪則配上19吋輕量輪圈。車廂有黑色Vernasca皮座、Harman Kardon音響、head-up display，錶板亦是電子顯示。規格亦和之前預計的出入不大，採用3.0公升六汽缸引擎，最大馬力335hp，0-96km/h加速需時4.4秒。新車亦配有M Sport制動系統，運動型懸掛配有電子操控dampers。