Subaru，通稱「掃把佬」。識車嘅你可能一聽個名就講得出Subaru嘅拉力賽背景、又或者係佢地堅持左半個世紀有多嘅水平對卧式引擎和四驅系統；就算唔識車，一聽「掃把佬」三隻字都即刻會知係街車格，耳邊立即就響起「轟轟轟」的引擎聲。

MenClub早前接受邀請出席Saburu Impreza WRX同 WRX STI的新車發佈會，就等我地一齊睇下呢款「高性能房車」究竟有咩過人之處啦！

Subaru WRX

引擎是268匹的2.0L DIT BOXER 渦輪增壓引擎，波箱是附手動操控模式的新SPORT LINEARTRONIC 8速自動波箱，35.7 kgfm 的扭力由全新主動式扭力引導系統 (Active Torque Vectoring) 傳送到左右平衡式全時間四輪推動系統 (Symmetrical All Wheel Drive)。配合調較催向競技化的底盤同懸掛，簡單啲黎講，就係馬力強悍之餘又確保精準的操作。

標準配置已包括以全新設計、真皮包裹的平底式方向盤，跑車化排氣系統以及17”合金輪圈。前座帶有紅色縫線的運動化真皮桶型座椅、中控台則由炭纖維及金屬物料所組成。售價港幣$389,800。

Subaru WRX STI

想當日我在現場做Live Feed 嘅同時就已經有Gentlemen話WRX 嘅CVT波箱制唔過。計我話Subaru根本就計好晒，因為WRX STI 就有大大個6前速手動波箱係到！同WRX相比多42匹的2.5L 水平對向渦輪增壓BOXER 引擎、比WRX 更「競技化」的底盤及懸掛系統設定，明顯地STI針對的就係一眾忠實Fans的荷包。售價港幣$469,800。

至於當日發佈會的現場，就請黎最新一輯Asia’s Next Top Model的兩位參加者Jodilly 同Natalie，聯同意美汽車(香港)有限公司總經理Mr. Dick Chan及陳唱國際執行董事陳駿鴻先生為新車揭開面紗。