所謂專利，好多時都係因為知件事會好有計，所以先去申請，免得有人偷咗你條橋，但點會估到，原來有公司會為咗造福人群，而放棄自己專利權？講緊嘅係Telsa。話說Telsa係第一間研發到電車嘅公司，所以當年一早申請咗專利，而最近佢哋就竟然宣佈話以後即使有其他公司用佢哋嘅電車設計，都唔會告佢哋，原因係當初佢哋創立電車，就係想地球可以環保啲，但眼見目前電油車嘅銷售量同生產量，都比電車多好多倍，所以如果佢哋都仲要阻止其他公司幫手救地球的話，咁就變相同公司理念自相矛盾。消息出咗後，好多人都話係宣傳技倆，不過亦有人話可能係為即將要出電車嘅BMW合作。點都好，作為一個真心想地球少啲廢氣同世界環保嘅公司，真係值得尊重。