講起電單車，好多人都即刻講得出Harley Davidson。

曾經有上左年紀嘅識車之人同我講過，揀車就同揀女人一樣，樣靚、好揸手同聲底好係必要條件。Harley Davidson就絕對符合以上條件：野性的外表，性感的聲線所建構出的男人浪漫，其他電單車廠真係只能望其項背。

但當全世界所有車廠都因為要「減排」而縮小引擎大小、減少汽缸數目、加裝渦輪增壓器，甚至乾脆出部「電車」的時候，Harley自然都不能免俗。佢地最新的Project "Live Wire" 就會橫跨整個美國30個城市，比市民體驗佢地第一部純電嘅「電」單車。

平心而論架車真係幾靚仔，但一架冇聲出嘅Harley，究竟仲算唔算係Harley呢？