喺我哋父母嗰一輩，佢哋最理想嘅生活就係搵份安安穩穩嘅工，每日返工放工返屋企食飯。不過近來時代改變，唔少人都唔甘心成世做打工仔，有人辭職創業、有人綴學追夢，亦有普通OL憑自身優越條件踏入幕前娛樂大家，好似今晚要介紹呢位「明香琴子」就係好例子！

雖然明香琴子係一位寫真新人，不過論年紀佢就一啲都唔後生，黎緊正式踏入三字頭嘅佢，喺出道之前曾經於日本一間IT公司做咗5年OL，亦曾經作為地下偶像團體成員活動過，後來因為擔任攝影會模特兒而被發掘出道，到去年先正式推出首隻寫真DVD出道。而其賣點，就係相比起一眾小妹妹更加成熟嘅身形，拍攝時亦更有媚態。特別係佢無論係攝影會定係DVD中，都鍾意穿上非常少布，僅遮重點嘅泳裝上陣，而且佢講到明著咁少布係因為佢自己鍾意，同時唔會感到羞恥，更為佢爭取到唔少目光。

身材方面，明香琴子目前就明顯偏肉，但佢就對自己個Pat Pat相當有信心，更揚言要成為一個「尻職人」。各位需知道對上一位以呢個名號闖蕩寫真界嘅，乃係早幾年同《街霸》選手Fuudo結咗婚、憑一個Pat Pat成為一線寫真女星嘅「倉持由香」，可見明香琴子對自己嘅期待有幾高，大家又睇唔睇好佢呢？

IG：kotochan0127