即使本身唔係女著女星，但唔少日本女星喺出道初期都會拍下水著寫真、出下寫真集，利用青春本錢黎吸引Fans、增加人氣。部份女星因為水著寫真反應良好、能帶黎更多演出機會，咁就會喺某個時間「收山唔露」，專心做個藝人；另一部份就係事業發展未如預期，於是越露越多。例如京佳近日就推出終極寫真！不單止全裸上陣，更係有亮「點」嘅寫真！

今年22歲嘅京佳，由小學三年級就開始偶像活動，17歲時亦曾經黎過香港與陳柏宇拍廣告，「彈下彈下」嘅身材成為一時話題，當時於日本嘅發展亦相當唔錯，頻頻登上各大雜誌拍攝水著寫真。可惜自2019年離開原經理人公司後，發展就大不如前，為咗催谷人氣，擁有F Cup好身材嘅佢去年就為雜誌拍攝全裸寫真，今年自己推出嘅寫真集《FRONTERA》更加係全裸露點上陣！

京佳講到明今次係最後一本寫真，所以先會去到盡咩都露哂。平心而論22歲嘅京佳，至少身材依然係青春無敵，事業發展不順的確係相當可惜。順帶一提，當初佢選擇退團單飛時，就有網民話佢最後只能夠去拍AV，如果今次終極寫真都未能挽回人氣，或者真係會有呢一日？咁就真係太令人期待…唔係！係太令婉惜啦！

圖片：Kyouka_02 on Twitter