疫情之下，好多人，特別係大公司、大機構嘅員工其實都仲係WFH緊，而唔覺唔覺得起碼WFH咗半年，相信唔少人都會發現其實啲嘢唔使返Office都係咁做，返去仲要蝕來回車錢同時間，不如長期WFH算啦！事實上又真係唔止你咁諗，美國多間著名科網企業如Facebook、Google都已經正式將WFH納入慣例之一，而Microsoft亦正式加入佢哋嘅行列。

圖片：Wikipedia

據《The Verge》報導，Microsoft近日向美國員工發放名為「混合辦工室 (Hybrid workplace)」嘅新工作按排，所有員工自動能夠安排最多一半工作時間係以WFH方式完成，如果有主管批准更加可以100% WFH。全面WFH嘅員工可以申請搬去第二個城市、甚至國家居住 (只要能夠繼續執行職務)，同時員工亦享有彈性上班時間，但人工同福利就跟返Microsoft當地辦公室嘅水平。