大陸手機OnePlus以高性價比見稱，但最近竟然爆出安全問題，外國保安專家踢爆手機私下收集用戶數據，用過咩App以至幾號電話，統統都一覽無遺；啲資料點用？改善服務喎。

保安專家Chris Moore喺網誌度公開報告，話OnePlus透過其OnePlus Device Manager及OnePlus Device Manager Provider，喺未經用戶同意下記錄用戶使用數據。被記錄的資料包括幾時將屏幕解鎖或鎖上、開過咩App、連過咩Wi-Fi，以至手機IMEI、手機號碼、流動網絡商等資料。

OnePlus聲稱資料傳送至OnePlus的Amazon伺服器，用嚟加以分析改善軟件及提供售後支援服務資訊。公司仲話用戶可以自行到設定，選擇關閉「加入用戶體驗服務」，咁就唔會上傳部分數據。私隱嘅嘢，都係自己保護自己好啲，要識得講唔好呀！

來源：The Verge