{ SKIP }

POSTED ON 27 Oct 2017

家陣嘅手機雙鏡頭已經係基本嘢,大家可能唔覺得有乜咁出奇丫;點樣先可以突圍而出?HUAWEI最新推出嘅HUAWEI nova 2i直頭畀夠前前後後四個鏡頭,等你自拍都可以玩景深,同囡囡自拍無難度!

雖然係中階機,但HUAWEI nova 2i都有住旗艦機風範,線條簡單俐落,金屬機身採用弧邊切割,睇落更有時代感,機背更設有指紋感應器。HUAWEI nova 2i配備5.9吋嘅FHD+ IPS超窄邊框,更加採用18:9窄屏幕比例,屏幕佔比有成83%,畫面更大,睇片打機就更爽。即使屏幕呎吋大左,但揸上手都一樣咁舒服。

最強賣點當然係前後都有雙鏡頭。HUAWEI nova 2i 配備13MP+2MP前鏡頭,內置人像模式,自拍都可以營造到散景效果,一秒變身攝影大師。當然手機有埋智能美顏模式,畀大家同女女自拍時呃下視覺效果。另外亦可以較埋手勢自拍,對住鏡頭張開手掌兩秒就可以倒數自拍。喺趣味變妝模式度仲有得加上兔仔耳呀貓鬚之類唔同嘅特效,氹女一流。值得一讚嘅係,前鏡仲配埋智能柔光燈,可以120度打燈,你知啦啲女仔影相好煩架嘛,打埋燈就唔怕佢哋臉黑!

前鏡頭一樣有得先影後對焦,景深效果非常自然,去旅行最啱。

「趣味變妝」 Filter可愛到令人忍唔住瘋狂自拍。

另外亦可以較埋手勢自拍,對住鏡頭張開手掌兩秒就可以倒數自拍,順勢畀女女扮下Kawaii。

後鏡頭方面為16MP+2MP雙鏡頭,可以營造虛化背景,不論影景物定人像可以玩到景深,而且可以做到先影後對焦,影嘅時候可以自己調較光圈,影完就算覺得唔滿意,都可以調整光圈同對焦。試相見到鏡頭相當銳利,貓毛根根分明,色調平衡而且對比度高,鏡頭景深效果亦相當出色,媲美旗艦級手機。另外有趣嘅係手機支援動態相片,可以好似另一個牌子Live Photo咁影2秒長嘅短片,玩法更多元化。

用主雙鏡頭開埋大光圈影貓方便,隨手就可以捕捉主子最美的角度。

一般風景相對比度高。

後置雙鏡頭可以做到先影後對焦,影完後可以點按圖片光圈icon編輯,再自行調整光圈同對焦,唔使驚唔啱心水。

規格方面都唔弱,HUAWEI nova 2i搭載Kirin 659處理器配備4GB RAM64GB ROM3,340mAh電池支援指紋感應器、雙卡雙待及最高128GB外置micro SD卡。此機備有流光金、曜石黑同極光藍,定價2,880港元。呢口價有得玩埋前後鏡景深,喂冇得輸啦,即刻要入返部同囡囡自拍幾張威威啦!首先......要有部機!

根據以往慣例,Apple預計會在今年9月正式推出iPhone 17系列,最近著名爆料人Sonny Dickson就率先曝光iPhone 17、iPhone 17 Air及iPhone 17 Pro全系列模型機(Dummy)照片,大家又有邊隻色啱心水? 從爆料 ...
tech
【科技】iPhone 17全系列模型機曝光!Pro機型鏡頭模組大改、蘋果Logo向下移
31 Jul 2025
去年11月時騰訊公開旗下機械文明荒野生存遊戲《荒野起源》(Light of Motiram)嘅實機畫面,隨即就因為遊戲不論畫風、世界觀設定都與Sony旗下遊戲《地平線》(Horizon)系列極度相似而引起抄襲爭論。近日外媒就指出S ...
tech
【電玩】《荒野起源》抄《地平線》系? Sony正式控告騰訊侵權
31 Jul 2025