「小紅點」Leica向來都係品味同身份象徵，尤其以復刻機身設計最受歡迎；最近Leica就推出新一款無反新機：Leica CL，黑色復古機身配機頂雙轉盤設計，加埋電子取景器同觸控式屏幕，將經典同現代融為一體。

Leica CL規格同月前推出嘅TL2一樣，採用2,400萬像素APS-C感光元件，ISO最高50,000，支援49個自動對焦點，快門最高1/25000s，亦可拍攝每秒30張的4K影片。新機特別之處在於機頂左上角嘅電子取景器，達236萬像素，型得嚟又實用，仲有3吋觸控屏幕。

新機亦可以用App經Wi-Fi過相落手機、平板或電腦，亦可以遙控拍攝，改變曝光參數或當計時器等等。Leica CL機頂設有兩個轉盤，可調較光圈、快門速度ISO值和曝光補償，亦有熱靴位置；鏡頭為L型插刀式卡口，兼容TL鏡頭同SL鏡頭。淨機價賣2,750美元，18mm Kit Set價則為3,795美元，香港售價及上市日期待定。