南韓冬奧機械人做火炬手　鑽破磚牆傳聖火

文：MenClub 路兒　　圖：互聯網
POSTED ON 14 Dec 2017

隨住科技發達，機械人愈來愈普及，時不時都會喺日常生活見到機械客服員、機械侍應等等。咁機械人火炬手你又見過未？南韓冬季奧運會上就搵咗機械人HUBO擔任火炬手，展示一下南韓機械人科技實力咁話……丫，HUBO一定係太凍跣親，所以要工作人員攙扶啦。

南韓冬季奧運會即將於2月開幕，日前舉行傳遞聖火儀式，由人型機械人HUBO擔任第二位火炬手。HUBO由韓國高等科學及技術研究所研發，是韓國首款人型機械人，高47吋，每分鐘可行65步，主要用作災難救援用途，於冬奧期間亦會協助保安、查詢服務和清潔等工作。

傳聖火當日HUBO拎住火炬行走150米，然後即場表演單手鑽破磚牆，模擬救援工作，再將聖火傳畀下一位火炬手—佢嘅研發者OH Jun-ho教授。之但係HUBO走近磚牆提起電鑽時，最初失去平衡向後傾倒，好彩有在場人員扶實，最終順利完成任務。OH Jun-ho教授其後將聖火傳畀駕駛FX-2機械人代步嘅火炬手，繼續接力傳聖火。唔知第時會唔會見到機械人裁判丫嗱？

來源：pyeongchang2018.com