日本人向來創作力量同幻想會嚇你一跳，今回竟然走去將Bitcoin虛擬貨幣、女僕同面具三種看似風馬牛不相及嘅元素Mix埋一齊，仲要整成一隊女子組合「仮想通貨少女」。女僕裙加摔角面具，仲有對蘭花手，唔通暗示緊虛擬貨幣都係「一場美麗強悍的大戲」？

呢隊8人新晉女子組合「仮想通貨少女」屬星座百景Porject的副團，1月初剛剛成立。8名成員年齡由15至22歲，分別代表8種唔同嘅虛擬貨幣，例如隊長成瀬らら就代表比特幣現金（BCH），白浜妃奈乃就係比特幣（BTC），天羽あみ就係以太幣（ETH），另外仲有南鈴々華（NEO）、愛須もも（MONA）、松沢果菜子（ADA）、上川湖遥（XEM）同香月ひなた（XRP）。

今日も朝からボイトレ、ダンスレッスンと鬼のスケジュール

そんな中、白浜妃奈乃と香月ひなた、2人が新しい振り付けを見て下さいって事で確認、、

「パクリやー！！」 pic.twitter.com/iFr4RWc698

— 星座百景 公式プロデューサー教皇 2.0 (@tsurunofu) 2018年1月7日

據官方介紹，「仮想通貨少女」成立目的係為咗推廣虛擬貨幣，話畀世界知虛擬貨幣唔係炒賣工具，而係創造未來嘅技術；仲強調組合本身並唔係鼓勵投機或投資嘅單位。而冇錯你估啱了，組合將來所有表演嘅入場費，或者周邊商品，都唔收日元，而係收虛擬貨幣。至於成員獅頭面具下嘅蘆山真面目……佢哋嘅個人Twitter上面有真樣，都幾標緻可愛，開嚟見人咪好囉。