扔鏢你就聽得多啦，有無諗過原來仲可以扔手裡劍呢？一部由飛鏢廠商DARTSLIVE開發嘅大型電玩手裡劍遊戲機《NINJA TRAINER ARCADE》目前正處於評測階段，相信離推出市面嘅日子已經不遠了。

《NINJA TRAINER ARCADE》係家用手裡劍遊戲《NINJA TRAINER》嘅大型遊戲版本，開發商表示呢部遊戲機嘅目的係為用家「提供最頂級的忍者體驗」，係全球首款讓玩家可以瞄準將手裡劍扔出嘅大型遊戲機。

遊戲玩法方面，用家只需要瞄準遊戲機嘅屏幕將手裡劍扔出即可，而你需要做嘅就係將手裡劍扔到屏幕上顯示不同分數嘅顏色地帶，咁樣就可以累積分數，原理同扔飛鏢非常接近，當然遊戲機中還有其他計分方法，咁就等大家親自去發掘啦。

由於《NINJA TRAINER ARCADE》只係遊戲性質，所以手裡劍只係以柔軟材質製造，絕對不能用於傷人，而手裡劍把亦以特殊質料製作，令手裡劍能夠較容易陷入其中。

如果你一心想試下做忍者的話，咁呢部《NINJA TRAINER ARCADE》就絕對係你夢寐以求嘅遊戲機啦！