Canon日前正式推出旗艦級單反EOS-1D X Mark III，各位專業級攝影師又多一個換機選擇了，要知道Canon於開發EOS-1D X Mark III期間致力徵詢使用EOS-1D X Mark II及EOS-1D X嘅專業攝影師，最終才得出如今呢部成品。

作為EOS-1D系列史上具有最佳性能嘅單反，EOS-1D X Mark III適合專業攝影師於不同領域使用，其中包括極限運動、生態、新聞攝影以及商業攝影、影片製作等等。

EOS-1D X Mark III嶄新影像系統，配備2010萬像素Canon全片幅CMOS影像感應器，令相機有更高嘅讀出速度、高解像度及低雜訊表現。另外，全新設計嘅4層低通濾鏡，具有16點分離結構帶黎更細緻解像度及可以更有效抑制摩爾紋及偽色。

而全新DIGIC X數碼影像處理器，提供比上一代快380倍嘅運算處理表現及快3.1倍影像處理表現。標準ISO範圍則為100-102400，最多可擴展至ISO 50-819200。

除左機身硬件提升，EOS-1D X Mark III備有最先進嘅自動對焦系統，可以讓用家以超高速捕捉目標。高速連拍最高20FPS，同時支援追焦及自動曝光，另外支援可準確對焦主體眼睛嘅「眼睛偵測自動對焦」。

當然，EOS-1D X Mark III作為Canon極致旗艦機，功能仲有好多好多，想要最專業嘅體驗就一定花費不菲架啦，部機淨機價要$50,680，但就可以比你意想不到嘅結果，係咪時候升級呢？諗一陣好啦。