相隔4年之久，Apple公司終於推出唔少人都推崇嘅iPhone最抵系列iPhone SE嘅後繼機iPhone SE 2020年版本(iPhone SE2)。對於呢部以iPhone 8為外型卻配備最新A13晶片嘅新機，唔少人都感到性價比極高。而最新消息指，Apple公司將於明年推出SE系列嘅2021年版本，唔知其性價比會唔會再進一步呢?

今年推出嘅SE屏幕大細為4.7吋，亦即係iPhone 8嘅大小，而明年嘅SE傳言將可能為6.1吋大小，亦即係話好大機會會以iPhone XR作為新SE嘅機身。而機身加大，其中一個好重要嘅提升，就會係電池容量可以應該可以加大，而唔會好似而家嘅SE非常唔夠電。

另外，2021年SE將唔會有主頁嘅圓形按鈕，但同時並唔代表手機會有Face ID，因為Apple可能會將Touch ID放於手機旁嘅開關按鈕上。

不過，外界估計如果明年真係推出全新iPhone SE，手機將唔會選用最新嘅A14晶片，而是會用現有嘅A13晶片，因為Apple擔心平價手機同樣用上最新晶片的話會影響iPhone 12嘅銷情。

如果你仲諗緊入唔入手今年推出嘅iPhone SE嘅話，而又唔急嘅話不妨等多一等，明年先入手新SE，除非你特別鍾情細Mon手機。

此前Apple嘅官方iPhone SE Plus Trailer