唔知係我份人驚青定咩，近呢幾個月硬係覺得要做好斷電斷水斷糧嘅準備，所以我都真係研究緊啲大型「尿袋」以備不時之需。而咁啱，Eva Store又同日本汽車製造配件商Altia合作，推出咗呢個可以叉到電腦嘅大型尿袋喎，唔通係天都叫我買？

呢個巨型尿袋嘅電池容量係20安培/11.1V電壓，輸出口就包括兩個5V/2.1A USB、1個5~9V/2A Quick Charge 3.0快叉USB、1個USB-C快叉，另外仲有兩個AC100V、4個DC12V插座，同兩盞高光度LED燈。而用仲有充電保護、放電保護、電流保護、短路保護等多個安全功能。連官方宣傳都話無論係露營定、戶外工作甚至走難都一樣好用。都係HK$2000左右咋嘛！係個插座係日本兩腳插麻煩啲咁囉。