五月嘅時候，韓國方面曾經有情報指，LG將會推出一部名為「Wing」嘅「側Mon機」——唔係Samsung嗰種條邊都係Mon嘅側Mon，而係真係喺部機側邊飛咗第二個細啲Mon出黎嗰種側Mon。而近日《Android Authority》就放出一條「獨家流出片」，見到呢部嘅真身及運作情況。

片中可見部「Wing」係打直夾咗喺車頭位置，個大Mon就用黎睇導航，而個細Mon就可以用黎播歌，當有電話打黎時亦只係細Mon有變化，可以話係展示咗「雙Mon」最有用嘅時刻之一。值得一提嘅係片中嘅「Wing」比起5月時見到嘅設計圖似乎更為窄長，亦冇透露個細Mon究竟係點變出黎 (冇理由長期係呢個形掛？)，更加唔知道部Wing會有幾厚身、又有咩其他功能。似乎都係要等更進一步情報啦。