Uber喺香港黎講已經非常普及，尤其近期大家想避開人多嘅公共交通工具，坐Uber嘅機會就可能更多。而為咗保障乘客，你近排Call Uber都會見到佢話Uber要永司機一定會戴口罩之類，咁但係又點保障個司機呢？Uber就將會推出一個「認罩唔認人」嘅「乘客戴罩自拍認證」。

圖片：The Verge

據《The Verge》報導，Uber係唔會硬性規定乘客一定要戴口罩先Call得車，但假若接咗你單嘅Uber司機向Uber報告你冇上車冇戴口罩，Uber App就會喺係下一次Call車前，要求你影一張戴住口罩嘅自拍照。而假若司機或乘客發現對方冇戴罩，都有權取消行程而唔會有任何懲罰。

Uber亦指，呢個「口罩認證」只係認個罩，而唔會認人，所以唔使搶心會洩漏生物特徵。認證功能預計會於九月尾，先在美國及加拿大推出，而其他地區就會隨後陸續推出。