隨住摺Mon機越黎越普及，有人就猜測捲Mon機都快將面世。而實際上早在2018年嘅CES，LG就己經公開咗捲Mon電視設計，證明技術上係絕對做得出捲Mon——只係等咗兩年LG部捲Mon電視都未推出咁解。不過今日LG就正式推出第一部捲Mon電視「LG Signature OLED R (model RX)」啦！

圖片：LG

呢部65吋電視最大賣點當然係能夠完全收入底座中嘅捲Mon設計，但除此之外似乎就冇咩特別功能，就連LG網站上發出嘅新聞稿都用咗一半篇幅佢話你知部機工藝有幾咁勁、藝術感有幾咁強、放喺屋企有幾咁巴閉。另外就係個底座用上拉絲鋁、有黑灰藍啡四色，同可以刻你自己個名或者自選字句落去。

圖片：LG

再睇睇個售價係一億韓圜，即係68萬港紙，你就知你買返去呢部唔係電視，而係一部播到電視嘅藝術品黎啦。