智能手機設備過去1-2年，在拍照方面已經成功提升至1億像素嘅高度，對比過去已經係非常誇張的存在。不過人係貪心的，達到了1億後又點會滿足呢，其中有指Samsung目標要成功製作6億像素嘅Sensor。

據消息指，Samsun目前正在研發6億像素嘅Sensor，CMOS尺寸將大至1/0.57英吋，單位像素面積為0.8μm，並且支援8K拍攝。不過咁嘅CMOS，其厚度將達到22mm，呢個已經唔係普通智能手機可容納嘅厚度。22mm嘅厚度基本上現時唔會有人想用，拎上手實在太厚，難以掌控。

不過以上嘅發展正正見到智能手機嘅限制，特別係手機相機嘅能力好似已經到了極限。如果想影更精細嘅照片，手機滿足不了，但又唔想帶只有單一功能嘅相機，咁可以點做?

據分析指，未來除左手機及相機繼續發展之外，唔排除會出現一款類似平板電腦嘅綜合型裝置，但佢將會具備配上6億像素拍攝功能，當然其大小都一定要滿足到其需求，同時電池容量亦十足，音質亦遠超手機的，但亦絕對要易於攜帶的。所以其實以上嘅想法好大機會會放於平板電腦上發展，當然摺疊型嘅裝置亦係可行的方向。