今時今日大家嘅生活都非常依賴部電話，你本人可以唔食飯但部機唔可以冇電，所以市面上亦出現唔少出租充電器嘅服務，例如覆蓋率最高、便利店都有得借嘅ChargeSPOT就曾經「救」過我好多次。而ChargeSPOT將會與日本潮流教父藤原浩合作，推出「黑魂別注版」 充電器，而且大家唔止有得借，仲可以拎返屋企架。

今次乃係藤原浩首次與類似品牌合作，個「黑魂別注版」 充電器功能上一般ChargeSPOT充電器相同，都係iPhone咁上下大細，背後都有哂USB Type-C、Micro USB及iPhone Lighting線。最大分別在於外觀，由一般嘅白底藍字，變成黑底藍字，正面有fragment design嘅雙閃電Logo，以及ChargeSPOT自己嘅藍光閃電Logo。

「黑魂別注版」充電器將於5月8日及15日，分別於油麻地及K11 Art Mall嘅Popcorn General Store中開放外借，屆時大家仲有機會直接拎走返屋企自己用。