最近iPhone 6提出要更新iOS 8.3，但唔少網友都發現，更新以後，出現問題，你又有冇中招？

根據社交新聞網站Reddit報導，唔少iPhone 6 用户更新咗iOS 8.3後，Touch ID都唔Work。於是佢哋紛紛喺Twitter同 Apple支持討論區中，提出 TouchID 失效問題，話更新以後，雖然暫時冇影響屏幕解鎖以及 Apple Pay 功能，但只能輸入密碼認證。於是網路上開始流傳解決辦法。

Mobile 01 網友教路，首先進入iOS設定，搵到 Touch ID。然後關閉「iTunes 與 App Store」選項。再回到設定>一般>使用限制，假設第一次打開該功能，系統會要求用户輸入兩次密碼，之後才能啟動使用限制。

確認啟動後，會見到「密碼設定」選項，點選進入，再選擇「15 分鐘後需要輸入密碼」，再輸入一次密碼。

最後回到設定>Touch ID，打開「iTunes 與 App Store」就得。

如果以上方法都係唔得，仲有另一個版本。從上方選擇「15 分鐘後需要輸入密碼」步驟開始，再次輸入完密碼後，選擇「永遠需要輸入密碼」，再重新選回「15 分鐘後需要輸入密碼」，回到設定>Touch ID，打開「iTunes 與 App Store」選項，最後關閉「取用限制」即可。