早前美國天文學家Bill Gray表示，一支SpaceX火箭殘骸將於3月撞擊月球，造成一個直徑近20米嘅「人造」隕石坑，隨即引嚟各界炮轟SpaceX製造太空垃圾。之不過呢，今日Bill Gray就話原來佢計錯數，殘骸其實係屬於2014年發射嘅中國長征三號火箭。

據外媒《ScienceAlert》報導，今年1月底天文學家Bill Gray發現一件太空垃圾將於3月4日推擊月球，形成一個直徑約20米嘅隕石坑，並推算出該垃圾係SpaceX 2015年所發射嘅Falcon 9火箭嘅助推器。雖然對月球嘅實際影響唔太，但因為係有史以嚟第一宗類似事件，而且太空垃圾向來都係一個重要議題，SpaceX隨即遭到多方炮轟，批評佢哋冇好好處理太空垃圾。

隨太空探索活動推進，太空垃圾數量按年遞增。

然而，日前Bill Gray就收到NASA工程師Jon Giorgini嘅電郵，表示SpaceX 2015年個次任務軌道其實唔靠近月球，所以火箭嘅助推器殘骸唔應該會出現喺月球附近。Bill Gray重新計算後，就發現該太空垃圾原來唔係SpaceX，而係屬於2014年發射嘅中國長征三號運載火箭，當時命名為「嫦娥五號T1」嘅任務係發射一個小型探型器到月球。