年初時，新加坡美女Irene Zhao推出NFT項目「Irene DAO」，雖然啲相連「褪地」都有甩漏，亦冇NFT常見嘅社群福利，但憑住Irene嘅個人魅力加上NFT熱潮，依然成為一個大熱項目。而要數靚女，香港絕對唔會少！所以由前火幣董事總經理 Vincent Lau創辦嘅去中心化NFT平台Naffiti就搵黎多名香港女藝人，推出香港首個女藝人NFT項合《Asia Crypto Girls》(ACG)！

ACG將會伙拍Rose Ma、寶欣、193妹妹Michelle郭嘉盈以及男士們最愛嘅「Renee BB」李蔓瑩四位女藝人，推出每人500個、總數2000個DAO通行證。每位女藝人嘅再分為四個等級，除咗張相係不同造型之外，唔同等級亦會有不同社群福利，例如每位女藝人限定一張嘅「SSS級」，除咗本身就送一個ETH之外 (即係大約3,000美金) 持有者更可以參與該藝人嘅見面會，同時團隊亦於Sandbox元宇宙中成立「ACG MetaMembers' Club」，未來將舉行ACG活動及由區塊鏈專家主持的獨家研討會。有完整配套之下，個NFT就唔再係「一張相」啦，變相亦更有價值。

ACG首個系列將於四月以盲盒形式以以太坊 （Ethereum）標準買賣，白名單預售價格為0.05ETH，公開發售價格為0.1ETH。白名單於4月9日開始接受登記，只要加入ACG Discord並邀請朋友加入、追蹤ACG Twitter及Instagram帳號、於社群保持活躍和參與Giveaway活動，即有機會取得白名單資格。