隨住iPhone 16將於今年秋季推出，近日著名爆料人Sonny Dickson就曝光多張iPhone 16及iPhone 16 Pro Dummy機照片，大家有邊隻色啱心水？

從圖中可見，iPhone 16及iPhone 16 Plus嘅雙鏡頭從原來嘅對角排列，重新回到類似iPhone 11/12嘅垂直排列設計，不過鏡頭模組變得更加細小，提供白、黑、藍、綠、粉紅五款配色可選(冇咗黃色)，整體色調比上代更深。

iPhone 16 Pro Max「Dummy機」

而Pro及Pro Max機型方面，三鏡頭排列則維持現有設計，同樣有原色鈦金屬、白色鈦金屬、黑色鈦金屬三款配色，不過今次諜照就未有展示藍色鈦金屬版本，暫時未知係今代剔除咗，定還是Apple會推另一款配色取代。

iPhone 16將搭載「動作按鈕」

iPhone 16 Pro機款將加入全新按鍵「Capture button」

除此之外，圖片亦如傳聞所指，iPhone 16系列徹底捨棄祖傳靜音撥桿（現時iPhone 15及15 Plus仍保留靜音撥桿），全面改為搭載「動作按鈕」，讓用戶能夠自定義各種不同功能，例如一鍵開啟相機、電筒、錄音機等等。並於Pro及Pro Max機身右下加入一個名為「Capture button」嘅全新按鍵，尺寸大小與電源鍵相若，當輕按時可以鎖定焦點或曝光，重按則是拍照，更可透過向左或向右滑動按鍵進行變焦，方便用家拍攝及錄影。