自iPhone 11以來，iPhone嘅機背鏡頭就用上「方型基座、三角排列」設計。但日前有傳聞指出，明年嘅iPhone 17嘅三鏡頭或者會改為橫向排列，亦係六年來iPhone於外觀上首次有重大改變。

圖片：數碼閒聊站

中國微博上嘅「數碼閒聊站」於上週貼出一張「iPhone 17外觀圖」，並指「從供應鏈物料看，iPhone 17系列（Slim）確實改成了這個設計，鏡頭排列細節不知道，模組是這種條型跑道，明年也有不少安卓新機改成了這種設計」。另一邊廂，另一個中國博主「薛定諤的英短咕咕咕」亦於同日貼出一張疑似係iPhone 17嘅邊框圖，從中可見橫向排列嘅鏡頭糟，以及下方挖空嘅機背。

唔少中國網民都於兩個帖文下方留言指出，iPhone 17嘅新設計與Google Pixel等Android手機非常相似，亦有人吐糟指新設計與市面上唔少「尿袋（行動充電）」撞樣。

圖片：薛定諤的英短咕咕咕

另外，亦有其他傳聞指出iPhone 17 Pro Max或會用上Apple自家研發嘅5G晶片以及藍芽+Wi-Fi晶片，但目前未有確實證據。而傳聞受惠於Apple最新研發嘅MetaLens技術，Face ID模組能夠進一步縮小，連帶動態島亦會變小，進一步提升屏佔比。

資料來源：3499.co