{ SKIP }
文:MenClub 魏文青  
POSTED ON 18 Feb 2025

睇住Bitcoin價值屢創新高,或者唔少人都會發夢「呀如果早十年我已經開始掘緊Bitcoin我依家就發囉」。而英國有個人,就真係於十年前就已經掘咗8000枚Bitcoin,依家總值約近8億美金——但問題係佢十年前一時錯手將個存有Bitcoin嘅硬碟掉咗去堆填區,多年來尋獲無果,近日更為咗保有繼續尋找嘅機會,打算向當地政府買起整個堆填區。

 

據現年39歲、來自英國嘅James Howells指,佢早於2009年就已經參與Bitcoin挖礦,並一度將近8000枚Bitcoin存放於安裝喺某個硬碟之中嘅電子錢包內。但就於2013年搬辦公室時,將包含電子錢包嘅硬碟誤認為另一個同款空白硬碟,所以將整個硬碟放入黑色膠袋,而佢當時嘅伴侶亦好順理成章地認為垃圾掉咗。

佢相信目前硬碟被埋於南威爾士地區嘅某個堆填區中,並自2013年起就不停嘗試遊說當地政府容許佢進內挖掘堆填區尋找硬碟,甚至提出假設搵得返會將部份Bitcoin贈予政府作利誘。但當地政府多年黎就以「關閉堆填區影響民眾生活」、「挖掘堆填區污染環境」等理由拒絕。事件更一度鬧上當地高等法院,直到上月James Howells被判敗訴。

而近日嘅最新消息,係當地政府認為堆填區已經滿載,所以有意將其永久封起及關閉,並將土地改為太陽能發電廠。對此James Howells表示並不意外,因為佢早幾年就知堆填區即將滿載,只係比佢想像中黎得快啲。而佢嘅應對方法,就係打算與投資者一同向當地政府提出收購整個堆填區以開始挖掘,同時佢亦提出會入人力、機械狗挖掘以減低污染,並會使用機械學習人工智能協助辨認出硬碟。對於其收購意向,當地政府拒絕回應。

資料來源:The GuardianAOL

以前大家「有事問Google」,依家大家就可能已經習慣「有事問AI」,甚至有人會於網上討論時貼出AI答案當係金科玉律,認為AI講嘅嘢就一定啱。但《BBC》及歐洲廣播聯盟 (EBU) 近來公佈嘅一個最新研究,就發現市面上所有 ...
tech
【科技】AI仍然信唔過 BBC研究指近半答案有重大錯誤 Gemini表現最差
30 Oct 2025
「動力外生骨骼」(Powered exoskeleton)老早己經唔係科幻片特有,而係現實中都存在嘅技術。不過過去相關產品都只見於軍事、醫療或工業用途,一般人可能連見都未見過,更唔好話有機會用。但黎緊大家就真係有可能於 ...
tech
【科技】Nike推外生骨骼跑「鞋」 助跑者跑更遠、更持久
28 Oct 2025