「動力外生骨骼」（Powered exoskeleton）老早己經唔係科幻片特有，而係現實中都存在嘅技術。不過過去相關產品都只見於軍事、醫療或工業用途，一般人可能連見都未見過，更唔好話有機會用。但黎緊大家就真係有可能於日常生活中用到「動力外生骨骼」，事關Nike早前宣佈「Project Ampify」，亦即一對助你跑得更遠、更慳力嘅動力外生骨骼跑鞋。

Nike上週宣佈於機械人公司 Dephy 合作推出「Project Ampify」，內建輕量化電動馬達、傳動帶、可充電電池環以及碳纖維鞋墊。使用者穿上之後就可以透過馬達輔助小腿及腳踝嘅動作，令行路或跑步時更為省力，換言之就即係可以行更遠、跑更耐。Nike亦強調「Project Ampify」並非為專業運動員改善時間而設，而係希望能為普通跑者（配速為10-12分鐘/英里，即6-7分鐘/公里）「 的生活增添運動元素、延長步行通勤距離，或協助他們享受多跑一兩英里的樂趣」。

「Project Ampify」目前仍然處於測試階段。Nike指出目前已有超過 400 位跑者參與、累積超過 240 萬步測試數據，並有可能於「未來幾年」內正式推出。

資料來源：Nike