硬撼5DMKIII～～Nikon D810

文：MenClub 胡說　　圖：MenClub
POSTED ON 16 Jul 2014

Nikon同Canon鬥足咁多年，大家喺不同機種各有千秋，好難話邊個有絕對優勢。不過，Nikon喺2012年老貓燒鬚，就係D800嘅先進程度除咗像表之外，都未及得上Canon 5DMKIII。不過，Nikon捲土重來，推出大幅改良硬件設計嘅Full Frame機D810，誓要喺高階市場同Canon硬碰。
外表雖似　內在不同第一眼見到D810，除咗名之外唔覺眼有大改，因為所有改良部份全部喺機身入面：新EXPEED 4影像處理器有更多緩衝記憶體，以RAW連續拍攝可以做到連拍20張（一秒約5、6張連拍），雖然同Nikon最高級嘅D4s 11連拍差得多，但兩者本身定位不同，D810主攻商業及靜態攝影市場，以一秒五連拍來換取3,680萬像素，可以直接output做印刷，以至車身高畫質廣告。
低通濾鏡bye bye 3,680萬像素 Sharp到爆 D810最吸引之處，係去除低通濾鏡，令相片銳利度更勝D4s。ISO方面都有所調整最低可達ISO 30、最高ISO 51,200，令用家可以喺更多場合拍攝。今次Nikon更加入畫質選項微調功能，由色彩飽和度、對比度及銳利度，都可以作0.25度調整，好適合對相片品質要求極高嘅用家。D810另一武器，就係拍片功能終於達到1080 60fps，單係呢樣就夠打低5D MKIII。上手後感：筆者長年使用Nikon，所以覺得D810好就手，大部份操作（如選擇對焦點）、Live View轉換都可以用右手完成。而其他常用鍵都喺機頂左手轉盤，用家眼都唔使離開Viewfinder，就可以調整白平衡等功能。唯獨機身有點重，雖然淨機身重980克（連電池），但因為唔似D4s一樣本身已經有直倒，所以變成用個陣會頭重尾輕。
上手後感：筆者長年使用Nikon，所以覺得D810好就手，大部份操作（如選擇對焦點）、Live View轉換都可以用右手完成。而其他常用鍵都喺機頂左手轉盤，用家眼都唔使離開Viewfinder，就可以調整白平衡等功能。唯獨機身有點重，雖然淨機身重980克（連電池），但因為唔似D4s一樣本身已經有直倒，所以變成用個陣會頭重尾輕。連拍速度方面，「一秒五張」講真只係剛好追近Canon 5DMKIII嘅「一秒六張」，不過D810像素勝在有3,680萬，再加埋無低通濾鏡嘅銳利畫質，必定可以將愛影靜態、風景，以至商品嘅用家搶過嚟。另外，拍片功能比以前大有改善，假如你已一有堆FX鏡、又想試吓拍片，D810絕對值得一試。不過，假如你已有D800E、D800的話，我會多口勸你一句：停一停、等Nikon兩年後出新機都未遲。講真，閣下當年買D800E，都唔係貪多一張連拍、又或者拍片多咗1080p 60fps啩！
規格列表：機身重量：980克機身大小：146 x 123 x 81.5 mm 感光元：35.9 x 24.0 mm CMOS sensor 有效像素：3,680萬像素照片格式：JPEG、TIFF、RAW、RAW S ISO：ISO30（Lo1）-ISO 51,200（Hi2）對焦點：51點