未來水世界不明漂浮物！

文：MenClub 魏文青　　
POSTED ON 13 Dec 2016

隨住人口越黎越多，地球唔多夠位就大家都知。而當移山填海等方法因為各種原因而唔Work嘅時候，直接住入個海到貌似就係好方法。例如由Jet Capsule提出嘅「U.F.O」咁就係一個好例子啦。

平時嘅「U.F.O」係指「Unidentified Flying Object」，不過今次講嘅「U.F.O」就係指「Unidentified Floating Object」。實際上其實係一隻漂浮嘅球體居住裝置。呢個半徑65尺嘅球體分成三層，包括最頂嘅控制層、中間嘅大廳(包廚房及浴室)、而及處於水底嘅睡房。「船」上有兩個80匹嘅摩打，可以推動整個裝置以九節(約17km/h)移動。裝置外圍有如土星環嘅係太陽能板，可以收集太陽能供裝置使用，另外亦可以加裝風力或水力發電裝置。亦可以收集雨水及海水化淡，甚至有花園可以種菜。幾乎係自給自足。

當然，以上呢個「U.F.O」都只係概念階段，距離真正投產甚至普及仲有一大~~段距離，不過如果將來真係變成一個水世界，你又會唔會想住喺呢隻「U.F.O」上面呢？
Jetcapsule