想得卻不可得！「寸前」的High翻天威力

文：MenClub 魏文青　　
POSTED ON 14 Oct 2018

「寸前」，係日本AV片名中常見嘅漢字，實際嘅意思係解「(瀕臨)邊緣」，什麼暴發寸前、崩壞寸前、失神寸前真係睇字都開心。但你又唔好以為呢啲字眼只係AV用黎嘩眾取寵嘅啅頭、入面啲女優嘅表現亦只係做戲，事實證明「寸前」其實真係有令人「High翻天」嘅功效架！

寸前嘅英文通俗啲叫「Edging」，都係邊緣咁解啦，學名叫Orgasm Control(高潮控制)，顧名思義就係喺自己(或伴侶)將要高潮嘅臨界點前停止刺激，待興奮度稍為回落之後又再加以刺激，使其於高潮邊緣來來回回、想得卻不可得，心亂如麻血脈沸騰，直到難以容忍先一下子跨過臨界點，將快感推向最高峰。雖然就咁聽落去係一種折磨，但其實每一次嘅瀕臨臨界點，人體嘅敏感度以及相關部位嘅血流量都會提高，隨之而來嘅高潮快感亦會提升！正所謂「忍一忍高潮越勁」呀！

而除咗身體上嘅原因，「想得卻不可得」本身已經係一種提升心理快感嘅方法，因為不可得，所以更想追求，於是你更投入地享受快感，當最終得到嘅時候除咗單純嘅性快感，仲有「得到滿足」嘅感覺，為快感增加層次！另外「寸前」亦可以幫你鍛鍊自制能力：試想下當你面對人類與生俱來嘅本能性快感都忍得住，呢個世界仲有啲咩嚇得到你？

「寸前」呢家嘢可以一個人練，亦可以與伴侶一齊練，其中男人自己練習嘅好處係你理應係世上最清楚自己敏感帶嘅人，靠自己能夠更有效地接近高潮邊緣再回落，隨後而來嘅快感理應更高，對於延長時間亦有幫助，不過唔好處就係要靠自己嘅意志力停手，對自制能力要求更高；搵伴侶幫手當然就更加方便，亦能增加閨房之樂，但被對方「操控」嘅感覺就唔係個個都鍾意。而如果你想用喺伴侶嘅身上，最好就事先同佢溝通一下，唔係到時佢發脾氣就唔好啦！