相信所有男人應該都知咩係「魔鏡號」，但你睇片嘅時候有冇諗過一個問題：雖然話喺架車到，但當街當巷大庭廣眾拍攝AV唔犯法咩？如果佢咁都唔犯法，咁我喺自己架車車震又係咪應該冇事呢？日本有個電視節目就搵咗律師Youtuber 久保田康介去解答呢個問題。

日本電視節目《じっくり聞いタロウ 〜スター近況(秘)報告〜》早前就邀請到身為專業律師，同時經營Youtube頻道解釋法律事宜嘅久保田康介為大家講解關於「性犯罪」嘅知識，其中嘉賓們就討論起喺自己部車車震究竟算唔算犯法，有人認為部車係我嘅，入面係我嘅私人空間當然唔犯法；亦有人認為只要有著衫，外面嘅人睇唔到肉色部份就唔算犯法。

外面完全看不到的話

我覺得不是「公然猥褻罪」

但根據久保田康介嘅說法，即使喺車入面，但只要車泊緊位置係公共地方，其實就已經構成「公然猥褻罪」，可判六個月監禁，罰款30萬Yen以下。咁個問題黎啦？魔鏡號泊喺條街到喎，咁咪一定犯法？

原來根據久保田康介嘅意見，只要外邊完全睇唔到車入面嘅情況，亦即係對其他人唔造成影響，理應就不構成「公然猥褻罪」。而大家都知魔鏡號係使用單向反光玻璃，所以係入面做咩都冇事！當然，呢個都只係久保田律師嘅個人意見，真係被人拉咗我唔負責架下！