{ SKIP }
文:MenClub 魏文青  
POSTED ON 07 Dec 2020

曾因採訪六四事件而獲得普立茲新聞獎嘅美國記者兼專欄作家紀思道 (Nicholas Kristof)於《New York Times》刊出最新文章,指責著名成人網站Pornhub以「強暴」、「未成年人士」、「偷拍鏡頭」等不法影片謀利。文章公開後引起廣泛討論,MasterCard、億萬投資者Bill Ackman、加拿大總理杜魯多、美國國會議員Josh Hawley等都指會有相應行動。

圖片:截圖自New York Times

紀思道於該篇名為《The Children of Pornhub》嘅文章中質疑Pornhub上充斥未成年人士內容,並以此謀利。紀思道提出9歲時被人從中國收養並帶到美國,隨即被強逼拍攝成人影片嘅23歲女子「Cali」、以及14歲時因為傳裸露影片畀心儀嘅男仔,最後被人上傳到Pornhub嘅Serena Fleites為例,指出兩人嘅片段雖然事隔多年,但依然能夠於Pornhub上搵到。

紀思道指出自己並非針對成人影片業界,而係針對Pornhub對於消除呢啲非法內容嘅消極態度。佢指Facebook曾於3個月內移除1240萬張與未成年人士有關嘅成人內容、Twitter六個月內中止26萬個相關用戶,但Pornhub於3年內只係向Internet Watch Foundation提交咗118個與未成人人士相關嘅個案,同時佢亦質疑美國國會及政府對於此事嘅不作為。另外由於Pornhub母公司Mindgeek總部位於加拿大,所以佢亦質問自稱為「女權主義人士」嘅加拿大總理杜魯多,點解會坐視不理。

紀思道嘅文章發佈後,多個不同單位都作出回應。美國億萬投資者Bill Ackman呼籲Amex、VISA及MasterCard凍結Pornhub嘅帳戶。MasterCard指佢哋「正調查《New York Times》提出嘅指控,並正向Mindgeek嘅銀行了解情況…假若指控屬實,將會即時作出相應行動。」雖然MasterCard冇講明會有咩「行動」,但估計將會限制MasterCard用家向Mindgeek付款,變相限制Mindgeek營利能力。另一信用卡公司Visa就未有回應。早前Amex及Paypal都已經禁止用家向Pornhub付款。

《Reuters》報導,加拿大總理杜魯多亦指當地政府正與警方及相關機構商討行動;20名加拿大國會成員要求政府關閉位於蒙特利爾嘅Pornhub總部。美國密蘇里國會議員Josh Hawley就指,佢將會提出法案,容許聯邦政府就「每個被Pornhub等網站逼迫、販賣、剝削的人」提告。

Pornhub回應《CNN》時指,網站對於未成年人士成人內容 (CASM) 採取零容忍政策,Pornhub明確地對抗CASM,並已經實施緊領導業界嘅安全守則,以分辨及杜絕非法內容。

資料來源:New York TimesReutersCNN
日本AKB48及其姊妹團近年出現逃亡潮,唔少人都不約而同地離隊。有趣嘅係,唔少人離隊之後嘅第一個大動作,就係放低偶像包袱出性感寫真集。好似今晚要介紹呢位「山下エミリー」,就係又双叒叕一個例子! 舊寫真 ...
girls
【深夜】離團即出性感寫真 前HKT48「山下エミリー」
16 Mar 2025
雖然話日本仍然係香港人最鐘意旅行嘅地方,但相信大家都唔會否認日本文化嘅影響力早已不復以前嘅全盛期你對上一次睇日劇係幾時呀?但今日要介紹呢位新人演員「和内璃乃」,或者就可以吸引大家重投日劇嘅懷抱,唔單係 ...
girls
【深夜】壓倒性的美貌 日本新演員「和内璃乃」進軍水著
14 Mar 2025