心理學家Robert Sternberg曾經提出一個「愛情三因論」，簡單講就係一段完整嘅愛情，「親密」、「熱情」及「責任」三大元素缺一不可，而「熱情」中就包括咗「性」嘅部份。但大家有拍過拖都知，一開始大家可能都會對對方身體極為著迷，但久而久知性愛就會由開心事變成例行公事，熱情亦會隨之消散，甚至危害到兩個人嘅關係。如果想避免呢個情況，首先就係要知道點先算係「例行公事式性愛」。

主打「婚外約會」嘅英國配對網站「Illicit Encounters」早前訪問過2,000名愛爾蘭男女，當中有一半 (男58%、女46%) 都指與伴侶嘅性愛變得沉悶，而佢哋想重新搵返啲激情。網站更整理出十大性愛變得沉悶嘅特徵，例如「地點永遠都係床上」、「每個星期定好日子做愛」、「做愛時間永遠一致」、「永遠都係同一Set步驟而缺乏新意」、「做愛唔係因為想做而係因為要做」、「懷念以往興奮的性愛」、「幻想與其他人做愛」等，簡單啲黎講就係非常公式化嘅性愛。

圖片：截圖自Metro.co.uk

要解決呢個問題，最直接嘅方法當然就係搵過個性伴侶 (亦係點解網站指愛爾蘭地區因疫情封城後，訪客量多咗14%嘅原因)，但道德上就明顯講唔過去。所以大家能夠做嘅就係轉換一下地點、時間，探索一下除咗進入之外嘅其他方式、又或者係嘗試利用成人玩具等，最重要嘅係必須搵機會與伴侶好好傾下 (而唔係指責對方) ——畢業呢個世上冇一個人做嘅愛，你覺得悶，對方都一定咁覺得嘅。