「Gold Digger」呢個字本義係指淘金者，但現代黎其實就係講緊因為睇中錢而同某人喺埋一齊嘅人，而通常係用於女人身上，大概即係「拜金女」嘅意思。不過英國一名OnlyFans創作者Charlotte Rose，就話雖然自己係個人生贏家，但喺感情方面就係一片空白，28年黎從未拍過拖！原因，就係怕有「拜金男」！

圖片：charlotterose_1993 on IG

Charlotte出生於英國Essex郡，幾年前佢其實係一名女警，但工作一年後就因為不滿警隊中以男性為主導嘅文化而離職，後經朋友介紹轉為車模，再轉型為性感、內衣模特兒。2016年當OnlyFans創立時，佢就成為第一批受邀加入嘅女創作者。據佢講，當時成個網都只係得100位創作者左右，而佢亦冇放太多心機落去。直到2018年尾OnlyFans開始起飛，佢先開始全情投入，每日花14-16個鐘處理OnlyFans嘅相關事宜，到依家單靠OnlyFans嘅月入已經去到7.5萬至8萬英鎊 (約73至83萬港幣)，前年仲買咗部價值26.5萬英鎊嘅Lamborghini跑車獎勵自己！

圖片：charlotterose_1993 on IG

透過OnlyFans搵到咁多錢，證明有唔少人都認為Charlotte嘅外型夠吸引，但Charlotte就話自己人生從未拍過拖，甚至冇出去約會過。而且唔係因為佢份人太保守定咩，純粹係因為冇人約過佢！Charlotte指自己開始做OnlyFans之前，一直都專心工作，冇咩認識新朋友，到開始經營OnlyFans之後，IG收到訊息多到佢根本唔會睇，於是佢唯一會接觸到嘅，就係OnlyFans本身啲Fans。但又因為OnlyFans嘅「本質」問題，用家們其實都唔會透露自己嘅真實身份、樣貌，對Charlotte黎講佢哋就係虛擬嘅人一樣，就算人家真係Send個樣黎，Charlotte又擔心對方係騙徒，又或只係睇中佢啲錢，覺得溝到自己就可以住大屋揸跑車。所以到目前為止都冇約會過任何人。

圖片：charlotterose_1993 on IG

值得一提嘅係，雖然Charlotte嘅形象性感，但對比起其他OnlyFans創作者，佢呢啲已經算係「闔家歡」嘅尺度。而Charlotte就話自己依然期待結婚生仔，但就認為依家呢個年代唔使趕住去做。到未來幾年佢可能會稍為放下工作，專心「Me Time」，或者到時就會遇上啱嘅人。

資料來源：Metro