如果大家有玩過《Bio Harzard 4 (又名Resident Evil 4)》，或者都會記得嗰個一日到黑淨係識叫救命、佗手掕腳累全家嘅總統個女Ashley。但早前CAPCOM宣佈推出《生化4》嘅重製版之後，網民對於預告中僅以照片出現嘅Ashley就大加讚賞，主要原因係因為佢靚咗好多！而點解Ashley會靚咗？原因係CAPCOM搵咗荷蘭美少女「Ella Freya」做Ashley嘅藍本！

其實幾年前我就已經為各位Gentlemen介紹過Ella，原藉荷蘭嘅佢，因為深愛日本文化，唔單止識講流利日文、拍嘅YouTube都係以日文為主，更曾經去過日本發展，仲推出過個人寫真。而喺《生化4》重製版嘅預告推出當日，佢亦於Twitter發文，確認新Ashley個樣就係以佢為藍本設計，仲話自己開心到幾乎要喊。而網民對於新Ashley嘅接受程度都好高，相信遊戲推出後玩家們都唔會再嫌棄Ashley阻手阻腳啦！

トレーラーを見たとき、本当に泣きそうになりました。今は嬉しすぎます。皆さんこころからありがとうございます　#バイオハザード　#Residentevil4remake #アシュリーグラハム pic.twitter.com/kA7ylG7THB

— Ella Freya エラ・フレイヤ (@Eriza_Freya) June 3, 2022

既然深愛日本文化，Ella當然亦知道日本男仔對於咩女仔打扮最感興趣，所以佢喺社交網站上亦上傳咗唔少靚相。雖然露出度就唔算高，但憑其金色頭髮、雪白皮膚再加上非常可愛嘅面容以及遮住都知佢有料嘅身材，相信大家應該都睇得幾開心。BTW，Ella仲有經營自己嘅Patreon，唔知入面有咩睇呢？

圖片：Eriza_Freya on Twitter