每逢年尾，各大網站及影音平台都紛紛公布自家年度報告，龍頭色情網站Pornhub亦唔例外，唔知你又有冇份貢獻流量呢？

首先係熱門搜尋關鍵字方面，今年最多人搜尋嘅依舊係「hental」（日文「變態」嘅羅馬拼音），意指出自日本嘅色情或情色動漫作品，緊跟其後分別係「japanese」、「milf」、「lesbian」、「pinay（菲律賓女性）」等等。值得一提嘅係，「real amateur homemade（真實素人居家自拍）」雖然排名唔高，但一年之間躍升177位，直頭可以頒個最佳進步獎畀佢。

至於影片類型方面，可見日本嘅文化輸出確實厲害，中國、日本、韓國、台灣、東南亞甚至遠在南美洲嘅玻利維亞用戶都對「japanse」情有獨鍾，美國及大部份非洲國家就鍾情於「ebony（黝黑膚色女性）」，「lesbian」喺加拿大、澳洲以及部份歐洲國家相當受歡迎，而巴西人就鍾意睇「Transgender（跨性別人士）」。

最多人搜尋嘅電影及動漫電玩角色方面，小丑女「Harley Quinn」榮登榜首，其後係「Star Wars 」及Netflix情慾電影「365 Days」，而黑寡婦「Black Widow」則屈居第四。報告亦提到其他有趣數據，有興趣嘅朋友可以去官網瀏覽完整版。