相信大家年青時都曾經非常沉迷睇AV——可能依家都係啦下——同時或多或少都聽過父母師長朋友叫你適可而止。不過印度一個老豆為咗阻止個仔睇AV，就竟然狠下殺手，用刀將個仔嘅右手齊腕斬斷，引起網民們熱烈討論。

據印度媒體報導，事情發生於印度中南部地區Pahadi Shareef。現年45歲嘅屠夫Mohammad Qayyum Qureshi育有4名子女，其中長子Khalid今年剛剛18歲，並於當地一間電視台做助理。而呀老豆近來就發現個仔沉迷AV，而且仲買咗部智能電話一日睇到黑，雖然老豆已經多次警告呀仔，但呀仔依然故我，兩人因而多次發生產生爭執。

直到上週日，呀仔睇緊AV時被老豆當場斷正，老豆想搶走電話但呀仔激烈反抗，期間更咬傷咗老豆隻手。呀仔隨即離家出家並揚言唔會返黎，點知當晚佢就返咗屋企瞓。星期一朝早兩父子再次因為睇AV一事而爭執，新仇舊恨相加之下，老豆嬲到拎起把刀就斬落呀仔隻右手到。呀仔嘅慘叫驚醒其他家人，並立即將佢送院，但醫生表示呀仔隻右手手腕已被慘斷九成，能夠回復原狀嘅機會相當微。而老豆就自行去到警局自首，目前被控意圖謀殺。

資料來源：Hindustand Times