近年黎唔少關於香港嘅世界排名都紛紛下跌，而排得高嗰啲，例如「世界第一高樓價」之類，就通常都唔係咩好嘢黎。不過跟據英國成人用品集團Lovehoney做嘅一個研究，香港人原來仲有一樣嘢係排世界第一，就係性慾！

據Lovehoney表示，佢哋於全球搵黎超過2.2萬名成年男女受訪者，並要求佢哋以10分為滿分去評定自己嘅性慾高低，以得出不同地區嘅「性慾平均分」。結果就發現，香港人以7.16分成為全球第一，而亞洲地區中嘅二至四名就分別係台灣、澳洲、新加坡及紐西蘭，亞洲最低同時亦係世界最低性慾嘅國家則為日本，僅有4.73分。

而歐洲國家方面，首五名則為意大利 (6.93)、西班牙 (6.91)、法國 (6.24)、英國 (6.22)以及德國 (6.09)。

但你話香港人嘅性生活係咪好滿足呢？又未必。首先研究亦指出，香港男士嘅平均性慾評分為7.16，而女性嘅平均評分就只有6.77，兩差相差0.86分，即約12%。而且要留意嘅係，香港男士嘅平均分，係同整體香港人嘅平均分一樣，換言之香港男士嘅性慾評分「上限」係比女性高得多，所以男女個體之間嘅差異就可能更加大。一個想要，另一個就麻麻地，咁就好難話係滿足啦下嘛？

資料來源：Lovehoney