{ SKIP }
文:MenClub 艾力克  
POSTED ON 02 Aug 2023

相信各位「色途老馬」都知道,《街頭霸王》系列向來有唔少清涼成人Mod,本應係玩家私下自用自己欣賞,然而最近一場直播賽事,主辦方就疑似唔記得熄返個Mod,結果出現蝦碌場面。

據外媒《VGC》報導,Twitch頻道「Corner 2 Corner」日前舉行《街頭霸王6》線上錦標賽,但當賽事進行到Packz(春麗)對戰Lensta(金伯莉)時,春麗竟然以全裸姿態登埸,事出突然令解說員都忍唔住笑表示「春麗呢個造型都幾有趣」「正如大家所見,《街霸6》係一款18+遊戲」,隨後畫面就立即切換到賽程表。[睇片撳呢度:注意,畫面為18禁]

由於造型修改Mod效果僅對個人有效,其他玩家係唔會見到,換句話講即係主辦方所用嘅電腦裝咗春麗裸體Mod,而且唔記得熄返就舉行直播,導致今次放送事故。事後主辦方Corner2Corner亦喺Twitter上承認責任,表示唔會再發生同類事情,並希望相關傳媒唔好將責任錯誤歸咎於電競選手Packz(因為有報導誤指係玩家裝咗Mod導致今次意外)。根據Twitch平台規定,遊戲直播係嚴禁出現裸露或性愛畫面,主辦頻道Corner 2 Corner或者會面臨停權處分,影響後續賽事。

雖然話睇寫真嘅重點在於女星嘅身體線條,但所謂嘅「線條」從來都不限於「有前有後」嘅葫蘆身型,有人反而係鍾意睇女性嘅肌肉線條。而如果你都係呢類人嘅其中之一的話,咁今晚要介紹嘅呢位「大島璃乃」就應該好啱你口 ...
girls
【深夜】童星出身腹肌美女 Miss Magazine獲獎者「大島璃乃」
30 Jun 2025
細個阿媽點解要教你唔好以貌取人?因為一個人嘅好多特質,其實係唔會靠個樣就可以反映到出黎,甚至佢個樣係隱藏咗佢嘅優點。好似今晚要介紹嘅呢位「土田優空」咁,睇佢個樣可能會以為佢只係一個圓臉妹妹,又點會知道 ...
girls
【深夜】禾稈冚珍珠 日韓混血「土田優空」
27 Jun 2025