雖然話深田詠美近來作品數大不如前，而且陷入稅務問題、又被拍到同男朋友平安夜食拉麵，但對於唔少男士，佢依然係心中女神嘅不二之選。而如果你嘅夢想就係將深田詠美帶返屋企嘅話，咁依家就有個好機會啦！

來自中國深圳嘅大型人偶製造商Max Milk Studio（MMS）及Manyou近日宣佈，會推出「獲得官方授權」嘅深田詠美超像真硅膠可動人偶。據官網所寫，整個人偶嘅皮膚都用上「醫用級鉑金硅膠」製作，質感柔軟而餘亦更方便長期保存，同時用上「多層覆蓋式高清噴繪上妝，精確還原皮膚紋理、血管、陰影等效果」令皮膚更真實精緻。而人偶內就係一幅擁有34個關節嘅「全合金骨架」，方便各位把玩（下段講多啲呀下）。另外頭雕方面，睇官網圖可以見到同深田詠美有七、八分相似，甚至可以話比真人更靚女；眼珠部份用上可轉動嘅仿真玻璃眼，而髮絲則係逐條手工植髮而成。

呢個深田詠美人偶於官網售價係999美金（約HK$7,800），但於「某寶」等網站上，可以搵到「5XXX」人仔嘅選擇，計落都平成千銀。隨人偶附送白色比堅尼泳衣及女僕裝兩套服裝，預定嘅仲有「先行特典」教師裝添。

好啦，重點黎啦！大家睇到上面嘅規格同服裝，相信都會覺得呢個人偶非常有成人玩具嘅味道。事實上官網上亦有顯示人偶嘅的密位置，並寫明「名器的完全掃瞄定製」、「隱秘部位的完全再現」以及「通道倒模 精準測量」，咁呢個人偶嘅「實際用途」就可以話係昭然若揭。不過要留意嘅係，呢個人偶係按1/3比例製作，全高只係76cm左右，同真人係一大段差距嘅。

資料來源：Max Milk Studio