Apple Vision Pro（AVP）早前正式推出時，曾經引起一時哄動，但唔少人好快就發現AVP嘅概念同硬件雖然好好，但就好貴同似乎冇咩實際用途，所以一度出現退貨潮。不過近日有外媒報導，美國情侶檔成人創作者「Diana and Damien」利用AVP黎拍第一身嘅VR色情片，仲表示AVP可能係目前市面上最平、最方便嘅VR影片拍攝裝置。考慮到成人產業過去曾經推動互聯網發展，目前又係其他VR裝置能夠吊住一口氣嘅主因之一，或者呢種「應用方法」能夠成為大家入手AVP嘅理由？

女主角Diana

圖片：softgirldiana

「Diana and Damien」本身只係一對普通情侶，最初拍下親密畫面時亦只係為咗自娛，但後來就決定設立Onlyfans、Pornhub等帳戶販售自製嘅AV。喺兩人拍咗大約一年之後，Damien就發現市面上幾乎冇素人能夠產出3D VR色情片，而由廠商拍嘅佢又覺得太假、太造作。於是佢就嘗試自行拍攝。但目前要拍攝3D VR影片，就需要又貴又重嘅特別攝影器材，而為咗避免觀眾睇到「暈機浪」，鏡頭亦只能擺定喺一個位，加上後期剪接亦需要特別流程，簡單黎講就即係又貴又麻煩，所以即使二人滿意成品嘅效果，都冇繼續拍落去。

圖片：dianaanddamienvr.com

直到AVP推出，二人就立即買一個返黎，並利用AVP可以戴上頭，而且自帶對外鏡頭、可拍「Spatial Video」嘅特點黎創作色情片。佢哋表示，雖然AVP係好重、好貴，但比起傳統嘅VR拍攝裝置已有大幅改善。而且拍出黎嘅Spatial Video效果同其他3D VR影片差唔多，剪接方面亦更容易。

不過，二人亦表示戴住個AVP黎做愛其實非常奇怪。一方面戴住個AVP始終會影響活動能力，眼前有舊嘢頂住亦阻礙雙方進行接吻等親密行為；而被拍嘅一方亦要望住一個對眼識發光嘅人，不過比起傳統嘅3D VR拍攝方式，已經有「飛躍性嘅進步」。

資料來源：404 Media