AV女優嘅工作就係將正常人最私密嘅一面展現畀觀眾睇，所以或者唔少人都以為佢哋露幾多、露邊到都唔會感到怕醜。不過AV女優「紗倉まな」早前登上日本綜藝節目時，就透露佢其中一個「覺得人生要終結」嘅瞬間，竟然係因為要拍攝一套以Pat Pat為主題嘅AV。

話說日前「紗倉まな」登上日本談話節目《イワクラと吉住の番組》，並談到佢嘅「覺得人生要終結的瞬間」。佢憶述當時要拍嘅係佢AV生涯首部以Pat Pat為主題嘅作品，而且作品中佢Pat Pat嘅出鏡機會比佢個樣更多，所以有一個又白又滑嘅Pat Pat非常重要。但好死唔死佢於拍攝之前於樓梯摔倒，雖然人無大礙，但Pat Pat就瘀咗一大撻，換言之佢係帶住一個瘀咗嘅Pat Pat去拍一部以Pat Pat為主題嘅AV。

圖片：イワクラと吉住の番組

「紗倉まな」指拍攝時要化妝師幫忙遮蓋瘀青，本身就已經係件非常羞家嘅事，而且即使有遮，瘀青仍然係時現時隱，但又冇辦法叫攝影組避開佢個Pat Pat。當時佢非常害拍因為自己而令拍攝中斷，更怕作品出街後見到佢個瘀咗嘅Pat Pat，會覺得佢係一個連自己都照顧唔好嘅人。事實上佢最後亦係硬住頭皮，用個瘀咗嘅Pat Pat拍哂成部作品。但據佢講，或者就係因為Pat Pat透出瘀傷嘅關係，令佢嘅作品比起其他同類作品多咗幾分特別，反正就係最後有驚無險渡過難關。

資料來源：post.tv-asah