作為男人，相信大家都對「巨乳」呢個詞不陌生、甚至仲相當有研究。但你又有冇思考過究竟要咩大小先可以叫做「巨」？又有冇諗過原來有所謂「巨乳通漲」嘅問題？近日一名日本同人繪師就於X（Twitter）上發文抱怨，引起網民討論。

「味噌メロン」筆下女角

首先，所謂「巨乳通漲」唔單指近代ACG作品中嘅女角上圍越黎越豐滿，更重要嘅係女角上圍普遍地越黎越大，導致讀者、玩家對於「巨乳」嘅標準亦越黎越高，亦即係以前嘅「巨」，放到今時今日已經唔「巨」，甚至可以話係「貧」。日本同人繪師「味噌メロン」（@k_rldl）上月就於個人X上抱怨，表示自己筆下嘅女角上圍明明已經非常大，但因為讀者被《碧藍航線》及《勝利女神》等遊戲養大咗個胃口，所以以「令和標準」黎講，佢嘅女角只能算係「適當地巨」。

隨後佢仲以自己嘅草稿演示「佢覺得嘅巨」同「佢覺得依家啲人覺得咩叫巨」嘅比較，可見兩者差別之大。

令和の基準だとこれくらいデカく描かないといけないんだべ…？ https://t.co/DLiSY5P9o2 pic.twitter.com/KIU1QUpGoC

— 味噌メロン (@k_rldl) September 15, 2024

「味噌メロン」表示自己目前接受畫到最「大」嘅就係咁

網民貼出嘅「巨」、「普通」及「貧」標準

留言處亦有網民以圖片顯示目前「巨」、「普通」及「貧」嘅標準，可見即使係「貧」其實都已經係現實中千載難逢嘅大小。另外亦有網民貼出秋本治老師於《鳥龍派出所》嘅女角，表示當年大家覺得「麗子」等角色嘅上圍大到噁心，但用依家嘅角度睇就「恰到好處」，證明秋本治老師「行得好前」。唔知各位又對於ACG界女角身材越黎越大、脫離現實有咩睇法呢？