去年11月時曾出現日本AV女優來港賣身嘅新聞，唔單止退役女優「麻宮若菜」當場被捕，集團宣傳名單中更有著名現役女優「Miru」。而近日《集英社Online》就訪問咗會定期去世界各地「出差」嘅現役女優「A」（化名），而據「A」所講，做AV女優搵嘅錢其實冇大家想像中多，而「出差」搵錢唔單止多，而且仲更輕鬆，亦係點解不停有女優冒住犯法風險都要出國搵錢嘅原因。

示意圖，與主題無關。圖為石川澪

「A」自稱為「單體女優」，亦即只要有片商邀請，理論上每個月嘅拍片數係無上限。但據佢所講，目前AV業界其實處於飽和狀態，所以根本冇足夠嘅工作量及收入維生，呢個亦係點解佢自6年前就不停去世界各國「出差」嘅原因。同時佢亦指出，即使係「外貌及知名度出類拔萃」嘅女優，都唔一定能夠單靠拍片維生，佢甚至曾於出差時睇過對方提供嘅名單，發現上面有「我憧憬嘅資深女優，以及同我一齊共演過嘅女優」，可見會出國搵食嘅女優不在少數。

示意圖，與主題無關。圖為楓カレン

咁出國搵食究竟有幾好搵呢？「A」就拎出佢六年前第一次去澳洲時嘅經歷做例子。佢指當時佢去到悉尼某間店試做一星期，每個客人有60分鐘、每日可以做到8至9個客人，每個客基本收2至3萬Yen，如果再加上要加錢嘅「其他服務」，一日可以搵到25萬Yen（約HK$12,500）。有時更有可能接到單價更高嘅「國際電召」，例如佢就接過一位中國客人出價100萬Yen見一次面，撇除去程返程時間，實際「工作時間」其實只有一小時，而拍片拍足一日都只有20萬Yen左右。

同時佢亦指出，由於事務所一般都會禁止女優進行風俗業務，就算偷偷去做都有可能被Fans認出，所以喺日本國內做風俗嘅風險更高。而且由於日本文化關係，客人係打算用盡60分鐘做哂「起承轉合」，相反外國客人通常都只在乎「合」，所以可能40分鐘就完事，令外國工作變得更加輕鬆。

示意圖，與主題無關。圖為宇野みれい

「A」表示，雖然近來有AV女優因相關事件被捕嘅新聞越黎越多，可以預計到各國對於日本女性入國嘅審查會更加嚴格，但一來佢已經掌握安全入境嘅竅妙（唔著名牌，儘量樸素，甚至拎住貼咗紙仔嘅旅遊書扮遊客，而且佢本人識講英文），二來日本國內搵嘅錢真係唔夠佢生活（但佢亦承認自己好鍾意去牛郎店），所以佢唔認為自己會因而停止出國，甚至打算做到40歲。同時佢亦感嘆女優明明係一個「除衫做愛就可以搵錢嘅工作」，但偏偏依家就係除咗做咗都搵唔到錢。