貓同狗本來就大不同︰貓畀人感覺較為高傲獨立，而狗畀人感覺就熱情黐身，各有各支持者。咁如果將呢兩種屬性放喺女朋友身上，巴打們又會喜歡貓系女朋友定係犬系女朋友呢？

日本網站naver.jp就列出「貓系女朋友」同「犬系女朋友」嘅特質，睇吓邊派女生最得男性歡心！

對住男朋友嘅時候，犬系女朋友會好愛撒嬌，例如突然衝過嚟攬住你；開心唔開心咩都會寫晒喺面上，係非常之容易睇穿嘅女朋友。

同犬系女朋友相處，感覺會好似同小朋友一齊咁，好簡單易明，同時佢又好依賴自己。不過，當大家有發生爭執時，犬系女朋友可能會有啲講極都唔明嘅情況，呢個時候，與其責備佢令佢難過，應該要更耐心，更具體咁向佢講出自己嘅諗法，而且態度要正面，如果唔係佢會好似細路仔畀大人鬧咁，好易受傷害。