前AV女優紅音螢日前喺家中暴斃，終年32歲。

日媒報導紅音螢於8月15日猝死家中，佢公司事務所社長兼交往9年嘅男友原敏史返家時發現噩耗，驚見紅音螢暴斃，警方調查認為冇他殺同自殺嫌疑，據悉係因為急性哮喘發作引致窒息送命。於是原敏史就透過Facebook發佈紅音螢嘅死訊，粉絲亦紛紛到紅音螢IG留言表示不捨。

2004年紅音螢原以「秋月杏奈」為名字出道，到2005年1月1日先改為現有藝名。當時業界將紅音螢定位為蘿莉風格嘅女優，結果大受歡迎。紅音螢最受人注目就係佢容易引發大量潮吹嘅特別體質，試過潮吹噴到天花板、以及拍攝過程中因為潮吹，而整壞二十部以上攝影機。

當時紅音螢紅極一時，獲得多個AV雜誌及片廠所頒發嘅最佳新人獎，另外亦因為佢喺網誌上經常發表大膽嘅文章同圖片，所以獲得VideoBoy雜誌頒發「最佳女優網誌獎」。直到2008年，紅音螢轉型成為藝人，隸屬團體BRW108，同時兼任Girls guard組織嘅志工。佢喺退隱後都積極參加愛滋防治代言活動，投身公益。

對於紅音螢嘅離世，許多粉絲都表示非常難過，雖然已經舉辦咗葬禮，但仍會喺10月8日東京渋谷舉辦一場公開追悼會，等大家可以送紅音螢最後一程。