賺到笑啦 Pika Pika ！

若果大家都覺得這些消費是小兒科，可以睇睇RJ-Romain Jerome的Pokemon腕錶，先前出完16萬的比卡超Solo版，而家又再發佈一隻US$258,000的小精靈陀飛輪，邊度玩得起呀！

去年的RJ-Romain Jerome X Pokémon聯乘錶是比卡超主題版，限量20隻，46mm Moon Invader鈦合金錶殼、黑色DLC塗層面板，再配埋Signature嘅黃色硫化膠錶帶，計港紙大約16萬左右，正所謂任何售價不買都便宜，欣賞下其實無壞的。

2004年成立的RJ-Romain Jerome，是一家玩高級鐘錶的瑞士獨立品牌，他們覺得貴價品不必太墨守成規，細路仔玩味主題也可以製作出頂級靚錶。除了上述的比卡超時計，他們其實已經出過《DONKEY KONG》、《Super Mario》、《Pac-Man》的特別腕錶，每隻都充滿童年回憶，可惜人到中年都仲未買得起。

講返今年的新Pokémon特別版，盤面玩大包圍，聚集大家都很熟悉的小精靈，而今次加上有閃電鏤空設計與陀飛輪架構，細節黃色、藍色繡線皆為響應主題，全球限定1隻咁大把，定價為$258,000美金。上次比卡超20隻已極速售罄，這次得一隻，相信要讓各位富豪級訓練員爭崩頭了。