前面嘅「好睇」，當然係指盡現大家眼前嘅機械部件，仔細睇仲可以見到夾板橋表面作磨沙處理、邊沿則是光亮打磨，睇圖已經非常經驗艷；但當你睇真啲就會發現一個問題，究竟點睇時間呢？亦即係後面嘅「好難(difficult)睇」。

「難睇」一來因為錶面線條非常複雜，二來GNS1用上非常特別嘅報時方式：首先九點位嘅白色標誌係報小時，活動嘅卻係最外圈嘅一圈小時數字，數字本身仲會每公轉1/4圈就自轉90度，確保到達指標時個數字係打直嘅；分鐘就再分為十位同個位，個位由三點位置嘅小錶盤報時，十位就要睇整個錶盤正中、寫住「50、60、10」同「20、30、40」嘅兩個圓盤，留意到側邊有條十二節嘅「蛇」嗎？白色「蛇頭」指住嘅就係十位數嘅分鐘，隨住時間流逝，呢條「蛇」更會以8字型圍繞兩個圓盤游動，代表時間無限流走。